SEFBA ta komprometé na garantisá privasidat di bishitantenan di e pagina web. Nos komo organisashon no ta kolektá nigun information personal inboluntario ora bo bishitá nos pagina web te na momentu ku bo skohé pa proveé bo informashon personal na nos.

Durante bo bishita na nos pagina web, dor di lesa òf ‘download’ informashon, nos lo kolektá i warda sierto informashon analítiko di bo bishita automátikamente. Ku e informashon kolektá aki, nos no por identfiká bo persona. Nos automatikamente ta kolektá i warda informashon komo:

• Bo adrès IP ku ta òutomatikamente assigná na bo kòmputer na momentu ku bo subi i buska informashon riba internèt
• E tipo di ‘browser’ ku bo ta uza
• E dia i orario ku bo a bishitá nos pagina web
• E pagina nan riba nos pagina web ku bo a bishitá

E informashon nan aki ta keda kolektá pa yuda SEFBA hasi su pagina web mas útil i aksesibel na usuarionan, pa tuma konosementu di e kantidat di personan ku ta subu nos pagina web pa atkerí informashon i tambe haña un bista ki tipo di teknología ta ser uza pa aksesá e pagina web pa asina riba terminó medio mehorá e eksperiensia pa e bishitatenan di nos pagina web.

Pa siguridat di e pagina web i pa sigurá ku e servisio aki ta keda disponibel pa tur usuario, e sistema di kòmpiuter di SEFBA tin programanan instalá pa monitoreá trafiko digital pa identifiká intentonan no outorisá pa subi òf kambia informashon di un forma ku ta hasi daño na integridat di SEFBA. Si e programa di monitoreo a identifiká i ilsutrá evidensia di abuso di datos òf aktividat kriminal, e evidensia aki por ser huza komo prueba ofisialnan di hustisia por akshoná kontra di un persona, grupo di persona òf organisashon ku ta hasi su mes kulpabel na hechonan kastigabel.

SEFBA no ta kolektá informashon personal ku por identifiká un persona mits e persona opta pa proveé su informashon personal na nos. Si bo proveé nos ku bo informashon personal (por ehèmpel di manda un e-mail of dor di yena un sirkulario i manda esaki via di e pagina web), nos ta hasi uzo di e informashon aki únikamente pa repsondé bo mensahe i pa yuda nos proveé bo ku e informashon i servisio ku bo ta rekerí di nos. Dor di duna bo proveé nos ku bo informashon personal, bo ta duna SEFBA e konsentimentu di bo uza bo informashon pa e propósito rekerí. Na momentu ku bo primi e boton pa manda informashon riba kualke formulario digital riba nos pagina web, bo ta duna SEFBA e derechi pa hasi uzo di bo informashon personal pa e meta ku e formulario ta sirbí. Bo informashon personal na ningun momentu lo wòrdu uza pa propósitonan di merkadeo komersial.

E informashon ku SEFBA ta kolektá ta ser uza pa varios propósito (por ehèmpel, evaluashon di ideanan i komentarionan riba evento i fasilidatnan; respondé riba preguntá di públiko tokante nos regulashon i maneho, i formularionan. Nos semper ta hasi tur loke ta na nos alkanse pa mustra klaramente kon informashon ta ser uza na e puntonan unda informashon ta ser kolektá, pa asina usuarionan por disidí pa nan mes ku nan ke proveé nan informashonnan personal na nos.

Den sierto kaso SEFBA lo kompartí bo informashon ku otro instansia òf instituto gubernamental na momentu ku bo petishon ta relatá su mes ku e instituto en kuestion. Den sierto kaso, e informashon aki ta un individuo privá òf miembro di Parlamentomdi Kòrsou, SEFBA por ser obligá pa leinan vigente di kompartí informashon personal ku bo a yena.

Promé ku bo manda SEFBA informashon personal ku nos por identifiká bo komo persona (por ehèmpel pa medio di un formulario, nos ta perkurá pa informá bo di e propósito i kon e informashon proveé lo keda uzá.

Nos por kompartí informashon kolektá tambe ku institutonan no gubernamental durante bo bishita na nos pagina web, pero únikamente si bo pregunta ta rekerí nos pa aksesá e base di datos di un instituto eksterno. Tur nos link i formulario nan ku ta rekerí akseso na un base di datos eksterno lo ser publiká klaramente, pa abo komo usuario por tuma un desishon na momentu ku bo ta bai selektá un di e opshon nan ariba menshoná.

SEFBA lo distruí (“delete”) informashon proveé na e organisashon dor di un usuario, na momento ku e propósito di e informashon aki a sirbí su meta. Uniko eksepshon di na e regla aki ta si e informashon proveé tin ku ser mantené den SEFBA su base di datos pa motibu nan regulatorio òf di maneho di informashon sigun protokòl nan stipulá dor di Gobiernu di Kòrsou.

Por tin weblink pa otro pagina web di otro institunan (no-) gubernamental. Similarmente por tin weblink na pagina web di organisashonnan privá ku SEFBA tin nan outorisashon. Na momentu ku bo navega in bai un web pagina di un tersero via e pagina web di SEFBA, lo bo ta subjeto na e maneho di privasidat di e pagina web di e tersero. SEFBA.org no ta disponé di e kòntròl pa garantisá ku e informashon ilustrá pa un pagina web tersero ta verídiko. Tambe SEFBA no nesesariamente ta aseptá i sostené kualke informashon tekstual,potrèt òf material audiovisual ku e pagina web di e tersero ta ilustrá.

Cookies ta porsion nan di teksto chikí, ku ta ser uzá durante un usuario su bishita riba un pagina web (cookie pa seshon) i den sierto kaso ta wòrdu wardá riba disku duru di kompiuter di un usuario pa por identifiká esaki un siguiente biaha ku e subi e pagina web (cookie persistente). E pagina web di SEFBA no ta uza cookie persistente ni niun téknologia pa sigui paso di navegashon digital di e usuario. Nos pagine web por uza cookies di seshon pa asina brinda kada usuario e mihó eksperiensia i interkashon riba e pagina web durante di nan seshon riba nos pagina.

E cookie nan di seshon aki lo ser borá for di nos ‘web-server’ na momentu ku un usuario finalisá su navegashon riba nos pagina web. Informashon riba e cookies nan aki no ta ser kolektá i wardá den un base di datos privá.

E pagina web aki por ofresé material di edukashon i formashon pa mucha bou di 16 aña. Ningun informashon ku por identifiká un mucha lo ser kolektá te na momentu ku esaki voluntariamente a ser proveé komo un petishon pa informashon òf servisio. E informashon aki lo ser únikamente uzá pa duna e servisio ku e usuario a pidi.

SEFBA tin un kuenta di usuario i ta mantené algun pagina ofisial riba medionan sosial ofresé pa tersero. Esaki pa yega na un persentahe mas haltu di e komunidat ora SEFBA ke kompartí informashon, potrèt i video di un evento, aktividat i notisia.

Bo navegashon riba pagina di media sosial ta ser goberná pa lei i normanan di siguridat i privasidat pa e organisahon nan ku ta ofresé e pagina aki. Usuario di e pagina sosial nan aki frekuemtemente ta kompartí informashon ku publiko en general, un grupo di usuario spesifiko òf un terser ku ta manehá e pagina sosial di SEFBA. Nos ta konsehá kada usuario pa lesa e polisa di privasidat di kada un di e pagina sosial nan aki, pa bo por komprendé kon bo informashon por ser uzá. Ta rekomendabel tambe pa bo ajustá e opshon disponibel riba bo kuenta ku bo tini riba e pagina di media sosial pa korolá ku bo preferensia di privasidat. Página nan di media sosial ku SEFBA ta hasi uzo di dje ta:
Facebook, Instagram, Youtube i LinkedIn.

Facebook ta un pagina pa krea i mantené un nètwèrk sosial unda usuarionan por konektá i interaktuá ku mas hende of instansia. SEFBA su facebook page ta ser uza pa propagandá aktividatnan i ilustrá material audiovisual i potrèt di evenementonan ku a tuma lugá. Tambe esaki por ser uza pa hasi en kuesta relatá na SEFBA òf otro instansianan ku ta traha den kolaborashon ku SEFBA. Usuarionan di Facebook tin di tene kuenta ku e plataforma di Facebook ta unu habri pa públiko i ku esakinan por hasi komentario riba kualke ‘post’ di SEFBA riba media sosial.

Instagram ta un application unda SEFBA ta post imagen (potrèt i video) di aktividatnan organisá dor di SEFBA òf dor di terser den kolaborashon ku SEFBA. Kada partisipante na aktividatnan di SEFBA por ser fotografá i publiká riba un di nos pagina nan sosial.

Youtube ta un pagina unda por kompartí kontenido audiovisual. Videonan ku ta ser kompartí riba SEFBA su kanal di Youtube, tambe ta ser ilustrá riba e pagina wèb  SEFBA.org. Na momentu ku un persona ta aksesá video di SEFBA riba Youtube, e persona tin ku tene kuenta ku e reglanan di privasidat di Youtube.

Linkedin ta un pagina di media sosial pa kompartí informashon na kompanianan, organisashon i profesionalnan. Esakinan por ta informashon tekstual i audiovisual. Na momentu ku un persona ta aksesá informashon di SEFBA riba LinkedIN, e persona tin ku tene kuenta ku e reglanan di privasidat di e servisio LinkedIN. Ta konsehabel pa repasá esakinan na momentu ku bo ta hasi uzo di e pagina sosial aki

Google analystics ta un programa di un kompania terser ku ta ser uzá pa midi e kantidat di personan ku ta aksesá un pagina web. Google analytics ta traha dor di pone un ‘file’ chikí riba e usaurio su kompiuter, mihó konosí komo un cookie. Esaki ta un cookie persistenté, ku ta rekonosé bo kompiuter ora bo bishitá SEFBA.org den un futuro. E cookie aki no ta kolektá ningun informashon personal ku SEFBA por identifiká bo komo persona. Google Analystics tampoko no ta kolektá informashon ku por identifiká un persona pa medio di su cookie i no ta kombiná, match, òf kompará SEFBA.org su informashon ku kualke informashon di otro pagina web. Ta sugerí tur usuario pa lesa Google  analytics su polisa di privasidat via di nan weblink pa mas informashon.

Bishitantenan di SEFBA.org por desaktivá e software pa midi uzo di wèb pagina prosendente di Google Analytics. E detalle nan kon pa hasi esaki ta varia pa kada ‘web browser’. Mayoria di ‘web browser’ modèrnota por ser programá pa aseptá, nenga òf rekerí intervenshon di e usuario na momentu ku un website pidi pa instalá un cookie. Google Analytics ta uza cookie ku ta start ku: _utm.

Google Maps ta duna information riba ilustrashon di mapa i imagen fotográfiko bou di lisensia di Google. Data di SEFBA presentá huzando Google Maps ta den un domein públiko. E informashon riba mapa iimagen fotográfiko ta kontené nòmber di merkadeo, marka komersial, marka di servisio, logo, nòmber di domein i otro imagen nan distiktivo. Esakinan no outomátikamente ta disfrutá di aprobashon di SEFBAkomo organisashon di Google Maps su produkto i servisionan. Komo usuario, bo ta pèrmití pa download of kopia imagen topografiko di Google Maps semper ku bo inkluí e nòmber di merkadeo, marka komersial, marka di servisio, logo, nòmber di domein i otro imagen nan distiktivo ku Google Maps ta ilustrá. Esakinan no tin mag di wòrdu borá of adaptá. Por fabor, tuma nota ku un persona ta huza e servisio di Google Maps, e persona tin ku tene kuenta ku e reglanan di privasidat di Google.