Ekspertisio

Durante e último 10 añanan SEFBA a generá konosementu i eksperiensia den planifikashon i ehekushon di varios proyekto sosial na benefisio di komunidat.
Representantenan di SEFBA ta aktivo den tur bario na Kòrsou i ta enfoké riba e gruponan den komunidat ku mas ta den nesesidat. E eksperiensia generá durante e último añanan i sigur na e momento aki despues di e pandemia di Covid-19 ta vital pa guiá i enkurashá hendenan den nesesidat di trabou òf mucha i hobennan ku despues di orario di skol, ke sigui forma nan mes ku atividat deportivo, kultural, arte, drama i baile.
Kada aktividat ta ser periodikamente evaluá pa midi e satisfakshon bou di e partisipantenan. Abasa di e reakshon, komentario i rekomendashon nan ku drenta, e tim organisatorio ta trese adpatashon na e programa òf proyekto kaminda ta nesesario.

INFRASTRUKTURA

E mundu digital ta unu esenshal pa tur interakshon entre personanan i organisashonan. E plataforma digital ta fasilitá organisashon i habitantenan den bario na akseso kontinuo na informashon Web i tambe inkorporá ekiponan digital pa desaroyá na mes. Pa por kumpli ku esaki, Flow a instalá internet na kada sentro di bario nan Kòrsou. Huntu ku esaki lo bini un ret modèrno di internèt, WiFi i sistemanan di kompiuter ku ta brinda kada usuario e mihó eksperiensia digital.

SENTRO DI BARIO

DIGITALISASHON

Sentronan di bario ta forma un parti integral den metodo di interakshon entre organisashonan i habitanatenan den bario. Total tini 24 sentro di bario aktivo na Kòrsou. Sentro di bario Brievengat, Kustbatterij i Gibraltar ta forma parti direkto bou di fundanshon SEFBA. E tres sentronan di bario aki ta sirbi komo e sentro di bario modelo pa e redesaroyo di e otro sentronan situa den demas barionan di Kòrsou. Algun di e atributonan ku ta den desaroyo ta:

– Ofisinanan Flèx

– Sala di bario

– Biblioteka i sala di estudio

– Esenario teatral

– Kancha Deportivo

– Sala di instrukshon i komputashon

MANEHO DI PROYEKTO I PROGRAMANAN

SEFBA tin un tim speshalisá ku ta enkargá nan mes diariamente ku desaroyo di programanan i proyekto pa e diferente áreanan di interes.
Organisashon i habitantenana por aserka SEFBA ku ideanan, proyekto òf petishon pa un evento i huntu ku e guia di proyekto nan ku SEFBA tin na su disposishon. Huntu ku e guia di proyekto por formalisá kualke proyekto ku ta pas den un di e áreanan di interes di SEFBA.
SEFBA lo perkurá pa e ideanan òf proyekto por ser ehekutá eksitósamente i ku esaki ta yega na e komunidat. SEFBA lo guiá e grupo organisadó ku planifikashon, reservashon di lokalidat, material i personal nesesario pa por sirbi kualke evenemento lo mas mihó posibel.
Via e plataforma di SEFBA por trese kualke evenemento den publisidat i tambe risibí komentario i opinion di e partisipantenan riba esaki.

FONDO I FINANSIAMENTO

Komo un fundashon, SEFBA ta enkargá pa atraé finansiamentu pa ehekushon di proyekto i programanan ku e tin na su enkargo. E eksperiensia di e organisashon durante preparashon i ehekushon di proyekto na bienestar di komunidat ta dun’e un base solido pa atkerí fondo serka organisashonnan lokal i internashonal pa finansiamentu di e diferente proyektonan.

Adishonalmente, SEFBA tin guianan di proyekto na disposishon pa asisití kualke organisashon di bario ku formalisashon di nan evenemento òf programa. Huntu ku ‘stakeholders’ lokal, nos por guiá boso programa i hiba esaki na un éksito.

Via di su struktura i formato finansiero, SEFBA ta manehá i duna un relato final na finansiadonan di proyektonan ku ta ser hasi na benefisio di komunidat den e diferente barionan di Kòrsou. Di e forma aki, e organisashon ta ser transparente den kuadro di maneho di fondonan publiko i privá.

REKURSO HUMANO

SEFBA ta disponé di personal spesialisá pa duna guiá na ideanan i inisiativanan pa ku desaroyo di e hendenan den bario i kualidat di bida den barionan di Kòrsou. E personal di SEFBA ta konsistí di guia di aktividat i personal ku ta manehá i mantené sentronan di bario.

Na kada sentro di bario ta disponé di un kordinador ku ta fasilitá reservashon, kordinashol i kòntròl di fasilidatnan ku sentro di bario ta ofresé.

Na e momentu aki tin kordinador di sentro di bario disponibel na lokalidat Brievengat, Kustbatterij, Gibraltar i Koraalspecht. Tambe, por hasi apelashon riba guia di aktividat na via di ofisina sentral di SEFBA.

E personal di SEFBA ta perkurá pa traha huntu ku bo evenemento ta un éksito.