Sentronan multi-funshonal i multi-servisial ta bai dispone di varios hèrmènt teknológiko
ku lo bai fasilitá i ensentivá prinsipalmente hobenan den barionan di Kòrsou pa amplia nan konosemente general. Un di e proyektonan den preparashon ta digitalisashon di e fasilidatnan pa aksesá buki i otro material liturgiko unda un persona por ampliá su konosementu òf etretené su mes lesando. Lesa ta un faktor importante pa un persona por atkerí konosementu riba varios materia. Pa stimulá esaki, prinsipalmente bou di e generashon nobo, SEFBA huntu ku S3 Projects ta kreando fasilidatnan digital den kada Sentro multi-funshonal unda un mucha, hoben òf adulto por buska i disponé di bukinan físiko i digital. Esakinan ta ser poné na disponibilidat na un i tur ku ta interesá pa medio di e programa un biblioteka den kada bario.
iPad i kompiuter
Kada biblioteka den bario lo tin algun iPad i kompiuter na disposishon. Via di e base di datos pre-instalá riba e ekiponan aki, kada usuario por skohe for di un amplio kolekshon di buki òf otro tipo di media. E posibilidat di un asina yama ‘device’ ta krea e posibilidat ku esaki por ser huzá pa mira i skucha otro tipo di publikashon audiovisual manera un ‘podcast’, vlog òf videonan riba youtube i demas ‘streaming services’.