Sentro multi-funshonal Brievengat tabata sede pa presentation di e florin Karibense ku lo ser introdusí dia 31 di mart 2025. Representantenan di CBCS a duna informashon na e públiko presente tokante e desaroyo di e moneda nobo. Alabes a ilustrá e diseño di e biyete i monedanan ku lo ser uzá den e union monetario di Kòrsou i Sint Maarten durante e anochi di informashon.
A informá públiko tokante e diseño i elemento nan di seguridat ku moneda nobo ta disponé di dje. Tambe a duna splikashon di e denominashon XCG ku e moneda lo karga. Mas aleu, a duna informashon riba e proseso di transishon i e formanan kon komunidat por kambia nan moneda di florin antiyano pa florin karibense.
Na final di anochi, públiko presente por a hasi pregunta i presensiá e moneda nobo di aserka.