Un biblioteka den bo bario

Sentronan di bario na Kòrsou lo ser transformá den sentronan multi-funshonal i multi-servisial.
Un di e proyektonan den ehekushon ta kreashon di un biblioteka unda adulto i hobennan por tin akseso na informashon i konosemente pa medio di buki i relatonan físiko i digital.

Sala di estudio i konosementu

Ta e intenshon pa den e añanan benidero algun Sentro di Bario na Kòrsou ta disponé di un sala unda personan di bario por hasi nan estudio i sigui kursonan organisá pa organisashon na Kòrsou. E fasilidatnan di un biblioteka den kada Sentro di Bario ta krea un plataforma sólido unda SEFBA komo organisashon ta kumpli ku dos di su metanan, kua ta edukashon i formashon di e habitantenan den barionan di Kòrsou.

Fasilidat modèrno

Kada biblioteka den bario ta ser ekipá ku ekiponan modèrno manera e.o. tablet, kompiuter i ‘smartboard’, pa asina fasilitá tutornan i usuarionan ku lo último den fasilidat teknológiko. E elementonan modèrno aki ta ser poné na disposishon di kada usuario di e Sentro di Bario, unda bou di ora di operashon nan por hasi uzo di e fasilidatnan aki.
SEFBA komo organisahson ta sigui perkurá pa desaroyá fasilidatnan na Sentronan di Bario konforme e nesesidat di e habitantenan di kada bario di Kòrsou.