Den kuadro di desaroyo sosial i nos salud, SEFBA ta promové deporte no profesional den tur bario di Kòrsou.
E kontribushon importante ku deporte ta suministrá na un sosiedat abitabel, ta splika importansia sosial di deporte. 

Deporte ta kumpli ku funshonnan diverso, entre otro, desaroyo individual di esnan ku esensialmente ta okupá ku deporte. Den dimenshon sosial-kultural deporte ta kontribuí na koheshon i integrashon sosial den nos komunidat i ta e forma di rekreashon pasivo. Riba tereno di deporte ta fungí komo medio pa drecha kalidat di bida. Deporte ta hunga un ròl importante den desaroyo sosial: 

  • Pa laga habitantenan desaroyá abilidatnan pa funshonamentu personal;
  • Pa laga habitantenan bini den kontakto ku konseptonan manera kompetensia
  • Siña hende eksplorá su límitenan personal i siñ’é anda ku desapunto; 
  • Kultivá norma i balor, ku ta influensiá funshonamentu i kombatividat den otro konteksto sosial, positivamente; 
  • ForMa laso èkstra sosial entre famia i amigu. Identifikashon ku un grupo i ku prestashon (konstrukshon di nashon – Nation Building).

Na sentro di bario Kustbaterrij tin 2 fasilidat pa por hasi deporte di manera optimal. E Sentro di Bario (SdB) aki ta disponé di un kancha di ‘bolas criollas’ unda amante nan di deporte por bini i praktiká esaki.

Tambe tin un kancha di mini futbol na disposhon. E vèlt aki no ta den un estado operashonal, pero pronto SEFBA huntu ku Gobièrnu di Kòrsou pa medio di SOAW i OWCS lo inisiá fase 2 di e proyekto di restorashon di SdB Kustbatterij unda e vèlt aki lo ser drechá i poné na disposhon pa habitatenan ku ta deseá por hasi uzo di esaki. 

Kordinashon di uzo di kada fasilidat ta ser hasi dor di e personal di SEFBA.